Müəllimlərin işə qəbulu üzrə müsabiqənin test mərhələsi davam edir

Müəllimlərin işə qəbulu üzrə müsabiqənin test mərhələsi davam edir

İyulun 23-də riyaziyyat üzrə (Azərbaycan və rus bölmələri) müəllimlərin işə qəbulu üzrə keçirilmiş test imtahanlarında 3 min 168 nəfər iştirak edib.

Təhsil Nazirliyindən AZƏRTAC-a bildiriblər ki, namizədlər arasında ən yüksək nəticə olaraq 60 bal qeydə alınıb. İyulun 24-də keçirilən riyaziyyat, informatika, təsviri incəsənət üzrə test imtahanlarında 3 min 344 namizədin iştirakı nəzərdə tutulur.

Müəllimlərin işə qəbulu üzrə müsabiqənin test mərhələsi Azərbaycan Texniki Universitetinin İdman Kompleksində aparılır. Namizədlərə ixtisaslarına uyğun olaraq ümumtəhsil məktəblərinin fənn proqramının məzmunu üzrə 40, metodika, təlim strategiyaları üzrə 10 və məntiq üzrə 10 sual olmaqla ümumilikdə 60 sualı cavablandırmaq üçün 90 dəqiqə vaxt verilir.