Molla Cümə - Gecəsidi
Ağalar, bir gözəl sevdim,
Mübarək xas gecəsidi.
Məlul könlüm, dur silkələn,
Eşqə həvəs gecəsidi.
Mən mailəm səntək cana,
Gəl, gözümdən getmə yana.
Muştuluq dost-aşinama,
Düşmənə yas gecəsidi.
Dilimdə oxuram kəlam,
Yuxum oldu mənə haram.
Molla Cuma, al intiqam,
Yardan qisas gecəsidi.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət