Mingəçevirdəki “ASAN həyat” kompleksində keçirilən konsert sakinlərə əsl bayram əhval-ruhiyyəsi yaşadıb

Mingəçevirdəki “ASAN həyat” kompleksində keçirilən konsert sakinlərə əsl bayram əhval-ruhiyyəsi yaşadıb

Qurban bayramı münasibətilə avqustun 24-də Mingəçevir şəhərindəki “ASAN həyat” kompleksində konsert proqramı təşkil olunub.

AZƏRTAC-ın bölgə müxbiri xəbər verir ki, “ASAN xidmət” və “ASAN Radio”nun birgə təşkilatçılığı ilə reallaşan konsert sakinlərə əsl bayram əhval-ruhiyyəsi yaşadıb.

Konsert proqramında sənətçilər səhnədə özlərinin ən populyar mahnılarını ifa ediblər. Sonra bayram proqramı “DJ”lərin çıxışı ilə davam edib.

Qeyd edək ki, “ASAN həyat” konsepsiyası “ASAN xidmət” mərkəzi ilə yanaşı, ictimai iaşə obyektlərini də özündə birləşdirir. Belə ki, vətəndaşlar operativ və nümunəvi xidmətlə yanaşı, bu konseptin istirahət və əyləncə imkanlarından da istifadə edirlər. “ASAN həyat” kompleksi özündə vətəndaş rahatlığı üçün həyat standartlarının yaxşılaşdırılmasına xidmət edən müxtəlif həlləri birləşdirir.

Rauf Hacıyev