Min bir dərdin dərmanı olan doşab haqqında bilmədikləriniz

Doşab müxtəlif çeşidli meyvələrdən qaynadılaraq hazırlanmış şəkərli, qatı mayedir. Doşab, həm də bəkməz adı ilə tanınır.

Doşab təkcə iştaha artırmaq üçün deyil, həm də müalicəvi əhəmiyyətə malikdir. Sadəcə olaraq, hansı məhsuldan hazırlanmış doşabın keyfiyyəti haqqında məlumat almaqla onlardan dərman kimi necə istifadə etmək olar.

Doşab əslində çox qədimdən bəri məlum olan, amma faydası daha sonralar üzə çıxan müalicəvi effektə malik qidadır. Publika.az-ın sağlamlıq bölməsi oxucuları doşabın faydaları ilə tanış edib.

Çox yaxşı antioksidant olan doşab, eyni zamanda qanazlığını aradan qaldıran qidaların başında gəlir. Şəfa mənbəyi olan doşabın daha təsirli olması üçün bu şəkildə sərf etməyiniz məsləhətdir. Səhər ac qarnına bir stəkan ilıq suyun içinə 2 xörək qaşığı doşab töküb üzərinə limon sıxaraq içsəniz, bu qanazlığı və dəmir çatışmazlığına çarə olacaq.

Doşabın hansı növləri var?

Xurma doşabı

Üzüm doşabı

Tut doşabı

Armud doşabı

Bəs bu doşabların hansı faydaları var?

Xurma doşabı

Xurma doşabı uzun müddət ac qaldığınız vaxtlarda, yorğunluq və halsızlığa qarşı çox təsirlidir. İdman edənlər üçün əsl enerji mənbəyidir. Ürək və damar xəstəlikləri riskini azaldıcı təsiri var. Beynin və insan orqanizmin inkişafına yardımçı olur. Quru öskürəyi kəsir. Boğaz ağrısını aradan qaldırır. Bronxit və soyuq soyuqdəyməyə qarşı olduqca təsirlidir. Ən önəmlisi xərçəng xəstəliyinə qarşı qoruyucu təsiri var.

Xurma doşabı bədənə rütubət və istilik verir, qan yaradır, insanı kökəldir. Təzə süd və badam ilə qarışdırıb yedikdə daha faydalıdır, ürək döyüntüsünü və zəifliyi aradan qaldırır. Zəfəran qatılmış xurma doşabı əhval-ruhiyyəni yaxşılaşdırır, əncir və güldəfnə ilə qarışığı xronik öskürək və sinə ağrısı üçün faydalıdır, arpa suyu ilə qarışdırıb içdikdə böyrək daşının parçalanmasına kömək edir, sidikqovucu təsir göstərir. Onun gülxətmi ilə düzəldilən təpitməsi şişləri yatırır və çibanı deşir. Çox işlətmək qana ziyandır.

Armud doşabı

Adi armud şirəsi ishal xəstəliyinə qarşı işlədilir. Bəzi rayonlarda bal armudundan (xüsusən onun yerli adla məşhur olan "bal armudu" sortundan) armud doşabı hazırlanır. Bunun üçün armudun meyvələrini iki hissəyə ayırıb, sıxıb şirəsini çıxardırlar. Alınmış şirə qatı şərbət halına düşənə qədər qaynadılır. Nəticədə əldə edilən armud bəkməzindən iştaha artırıcı və həzm prosesini yaxşılaşdıran dərman kimi işlədilir. Həmçinin qüvvətverici və sidikqovucu dərman kimi istifadə olunur. Armud doşabı qurdları salmaq üçün əla və təbii vasitədir.

Üzüm doşabının faydaları

Üzüm doşabı xalq arasında ən çox tanınan doşab növlərindən biridir. Üzüm doşabı bədəni yumşaldır, istilik və quruluq verir, sinə və qaraciyər xəstəlikləri üçün münasib sayılır. Bədəndəki qanın miqdarını artırır. Təbii ki, bədən üçün əsl enerji anbarıdır. İştahanı açır. Hamiləlikdə və körpə inkişafında çox təsirli və faydalıdır. Mütəxəssislər tərəfindən bu dövrlərdə istifadə edilməsi təklif edilir. Mədə, bağırsaq və böyrəkləri qüvvətləndirir. Damar tıxanmasına yaxşı təsir edir və qan dövranını yaxşılaşdırır.

Müxtəlif doşab növlərində olduğu kimi üzüm doşabında fosfor və kalsiumun miqdarı çoxdur. Fosfor və kalsium bağırsaqda pozulmuş balansı düzəltməklə, kalsium absorbsiyonu yetərli hala gətirir. Üzüm doşabı uşaqların kalsium ehtiyacını təmin etmək üçün kifayət miqdarda kalsium və fosfor ehtiva edir. Doşab kalsium və fosfor mənbəyi kimi istifadə edilir.

Tut doşabının faydaları

Tut doşabı da eynilə üzüm doşabı kimi, xalq arasında çox tanınır və digər doşablar kimi sağlamlıq mənbəyidir. Tut doşabının faydalarını bu cür göstərmək olar:

Qanazlığının qarşısını almaq üçün tut doşabından istifadə etmək həqiqətən çox faydalıdır. Mədə xəstəliklərində xüsusən, xora xəstəliyinə qarşı tut doşabı çox yaxşı təsir edir. Astma və bronxit xəstəliklərində faydalıdır. Soyuğa və soyuqdəyməyə qarşı tut doşabı orqanizmin müqavimətini və iş qabiliyyətini artıran xüsusiyyətə malikdir. İdmançılar üçün enerji anbarıdır. Uşaqların böyüməsində və inkişafına yardımçı olur. Uşaqların zehni inkişafı üçün də tut doşabı təklif edilir. Tut doşabı ilə qarqara edilərsə, ağız və boğaz xəstəliklərinə qarşı təsirli olur. Uşaqlarda tez-tez rast gəlinən ağız kandidozu xəstəliyinə qarşı geniş istifadə edilir. Qanazlığı və dəmir çatışmazlığını qarşısını alır. Xora kimi mədə narahatlıqlarını qarşısını alır

Tut doşabı daha nələrə yaxşı təsir edir?

Tut doşabı ən güclü enerji mənbəyidir. Bu doşab həm uşaqlar, həm hamilələr üçün çox faydalıdır. Doşabın ən əhəmiyyətli xüsusiyyəti isə mineral baxımından çox zəngin olmasıdır. Dəmir, sink və maqnezium kimi bir çox minerallardan ibarətdir.

İdmanla məşğul olanlar xüsusilə idman öncəsi enerjiyə ehtiyac duyar. Əslində təbii üsulla enerjili olmağın yollarından biri də doşabdır. Doşabı suyun içinə əlavə edərək içdikdə idman ərəfəsində enerjili olmağınızı təmin edir. Eyni zamanda, idman zamanı itirdiyiniz mineralları də yerinə qoymuş olarsınız.

Aytən