“Microsoft” şirkəti “Windows 10 Phone” sisteminin uğursuzluğunu etiraf edib
“Microsoft” şirkətinin icraçı direktoru Co Belfior deyib ki, şirkət “Windows 10 Mobile” üçün yeni qurğu və yeniləmələr yaratmayacaq.
AZƏRTAC xəbər verir ki, Co Belfior bu haqda “Twitter”də yazıb. "Əlbəttə, biz platformanı dəstəkləməyə davam edəcəyik… Boşluqları aradan qaldıracaq və təhlükəsizlik yeniləmələri çıxaracağıq. Amma yeni funksiya və qurğuların buraxılışı planlaşdırılmır".
O qeyd edib ki, proqram nəhəngi mobil proqram tərtibatçılarını cəlb etməyə çalışıb. Ancaq istifadəçilərin mobil sistemə zəif marağı bir çox şirkətləri platformaya sərmayə qoymaqdan çəkindirib.
Şərhlər
Şərhləri göstər Şərhləri gizlət