Məşədi Əbdül Şahin - Ya rəb, nə oldu bülbülə gülzarə gəlmədi

Məşədi Əbdül Şahin - Ya rəb, nə oldu bülbülə gülzarə gəlmədi

Ya rәb, nә oldu bülbülә gülzarә gәlmәdi, 
Şaxi-gül üstә gәlmәyә göftarә, gәlmәdi?!

Ya mümkün olmadı keçә seyli-sirişkimi, 
Ya kim, düşüb yüzündә gözü qarә, gәlmәdi.

Müjgan oxun o qaşı kaman vurdu sinәmә, 
Sәyyadә bax ki, seydә vurub yarә, gәlmәdi.

Can riştәsi әlimdә bәha tari-zülfünә, 
Gözlәr gözüm o Yusifi, bazarә gәlmәdi.

Hәr qәdr dәydi sәngi-mәlamәt bu cismimә, 
Bir dәm hәdisi-eşqini inkarә gәlmәdi.

Qәddim kәman olub qaşı tәk intizardәn, 
Bәxtim kimi o türrәlәri qarә gәlmәdi.

Şahin, sәbu su üstә sınar, şanә zülfdә, 
Yoxsa çәkildi zülfdә dil darә, gәlmәdi?!