Mərkəzi Elmi Kitabxanaya yeni nəşrlər daxil olub

Mərkəzi Elmi Kitabxanaya yeni nəşrlər daxil olub

Azərbaycan Milli Elmlər Akademiyası (AMEA) Mərkəzi Elmi Kitabxanasının (MEK) fondlarına müəlliflər tərəfindən müxtəlif elm sahələrini əhatə edən dərsliklər, monoqrafiyalar, şeir, aşıq sənəti və s. həmçinin Qarabağ müharibəsinə həsr olunmuş yeni nəşrlər daxil olmaqda davam edir.

Növbəti daxil olan nəşrlər sırasında “Teatrşünaslığın müasir problemləri” (Fəridə Cəlilova), “Mütərəqqi tribotexniki avadanlıqlar və vasitələr” (F.Q.Əmirov), “İri seriyalı istehsalda texnoloji proseslərin strukturu. Monoqrafiya” (F.Q.Əmirov), “Beynəlxalq münasibətlər ixtisasında ingilis dilinin tədrisi” (Aygün İsayeva), “Sosial psixologiya. Dərs vəsaiti” (Kamilə Rəhimova), “Nizami Gəncəvi obrazı bədii ədəbiyyatda”, “Şeirlər” (Əli Talib Babanlı), “Şifahi ənənəli Azərbaycan professional musiqisi: aşıq və xanəndə yaradıcılığı” (Kəmalə Atakişiyeva), “Turan-Türk tarixində Əfrasiyab və Oğuz Xaqan” (Ələsgər Siyablı), “Vətən Harayı. 44 şeir” (Lalə Əliyeva) və digərləri mövcuddur.

Məlumat üçün onu da vurğulayaq ki, ötən altı ay ərzində müəlliflər tərəfindən kitabxanaya 10 mindən artıq kitab hədiyyə edilib.

Bu və ya digər elmi nəşrlər MEK-də öz oxucularının yolunu gözləyir.

AMEA Mərkəzi Elmi Kitabxanasının

İctimaiyyətlə əlaqələr və informasiya şöbəsi

pr.mek.az@gmail.com

(012) 539-73-67 (daxili 14-14)