Kubokun finalı azarkeşsiz keçiriləcək
Yunanıstan kubokunun final matçında PAOK AEK-lə qarşılaşacaq.
Bombardir.az xəbər verir ki, əzəli rəqiblər arasında keçiriləcək oyunda azarkeş olmayacaq.
Bu barədə Yunanıstanın idman naziri Giorgios Vasilliadis yerli mətbuata açıqlamasında bildirib.
O, fanatlar arasında insident yaşanacağı xəbərlərini aldıqlarını və bu səbəbdən qarşılaşmanın azarkeşsiz keçiriləcəyini bildirib.
Yunanıstan Futbol Federasiyasının hər iki kluba 300 dəvət bileti verdiyi, qalan dəvətlilərin isə federasiya tərəfindən seçiləcəyi bildirilir. Qarşılaşmanın 1500 nəfərə yaxın dəvətli tərəfindən izləniləcəyi gözlənilir.
Afina Olimpiya stadionunda keçiriləcək qarşılaşma mayın 11-də, saat 21:30-da start götürəcək.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət