Kriştianu Ronaldudan yeni rekord
İtaliyanın “Yuventus” klubunun hücumçusu Kriştianu Ronaldu “Latsio”ya qarşı ölkə çempionatında növbəti qoluna imza atıb.
AZƏRTAC xəbər verir ki, portuqaliyalı İtaliya çempionatında 8 səfər oyununda fərqlənən ilk futbolçu olub. Kriştianu İtaliya A Seriyasında 15 qolla bombardirlər siyahısında ikinci yerdə qərarlaşıb. Siyahıya “Sampdoriya” klubunun futbolçusu Fabio Kvalyarella başçılıq edir.
Qeyd edək ki, yanvarın 28-də “Yuventus” səfərdə “Latsio” klubunu 2:1 hesabı ilə məğlub edib. “Qoca sinyora” hazırda 59 xalla turnir cədvəlinin lideridir.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət