Koronavirusdan ən çox ölümün qeydə alındığı ölkələrdən birində uşaqlarla bağlı qərar

Koronavirusdan ən çox ölümün qeydə alındığı ölkələrdən birində uşaqlarla bağlı qərar

İspaniyada aprelin 26-dan etibarən 14 yaşa qədər uşaqların küçəyə çıxmasına icazə veriləcək.

“Reuters”in məlumatına görə, məhdudiyyətlərin yumşaldılması ilə əlaqədar ölkənin Səhiyyə naziri Salvador İlya məlumat verib.

 

Bundan əvvəl bildirilmişdi ki, evdən çıxma izni olmayan uşaqların valideynləri ilə birlikdə mağaza və aptekə getməsinə icazə var. Bu, sosial şəbəkələrdə narazılıqlara və tənqidlərə səbəb olmuşdu və uşaqların küçələrdə oynamasına icazə verilməsi tələbi irəli sürülmüşdü.

Madriddə isə sakinlər eyvandan tava və qazanları döyəcləməklə etiraz aksiyası keçirmişdilər. Bundan sonra Səhiyyə Nazirliyi belə bir qərar verməyə məcbur olub.

Qeyd edək ki, İspaniyada bu günə qədər 204 178 nəfər koronavirusa yoluxub, onlardan 21 282 nəfəri ölüb.

Mənbə: Oxu.az