Klub prezidenti Medinanın 'Qarabağ'a transferindən danışdı

Klub prezidenti Medinanın 'Qarabağ'a transferindən danışdı

 

Portuqaliyanın I liqasında mübarizə aparan "Şaveş" klubunun prezidenti Fransisko Joze Karvalyu komandanın futbolçusu Kevin Medinanın "Qarabağ"a keçəcəyini təsdiqləyib.

Ens.az Report.az-a istinadən xəbər verir ki,funksioner yerli Sinal TV-yə açıqlamasında kolumbiyalı müdafiəçinin Ağdam təmsilçisi ilə müqavilə imzaladığını bildirib.

Amma klub prezidenti "Qarabağ"ın bu transfer üçün nə qədər ödədiyini açıqlamayıb: "Artıq hər şey tamamlanıb. COVID-19 pandemiyasına görə beynəlxalq uçuşlar olmadığından, futbolçunun yalnız tibbi müayinədən keçməsi qalıb".

Daha əvvəl "Qarabağ"ın baş məşqçisi Qurban Qurbanov 27 yaşlı müdafiəçi ilə anlaşdıqlarını söyləyib.

Qeyd edək ki, karyerası ancaq Portuqaliya klubları ilə bağlı olan Kevin Medina 2019-cu ildən "Şaveş"də çıxış edir. O, cari mövsüm 11 oyunda meydana çıxıb. Medinanın "Qarabağ"la 3 illik müqavilə bağlayacağı gözlənilir.

Mənbə: