Bunuj ölkədə kriptovalyuta xidmətlərinə tələbatın artması stimullaşdırıb
Basler Kantonalbank (BKB), İsveçrənin kriptovalyuta ilə əlaqəli xidmətlər təklif edən ilk dövlət kommersiya bankı olmağı planlaşdırır.
BKB bölməsi, milli bank qrupu Cler ilə birlikdə müştərilərə rəqəmsal valyutanın mübadiləsinə və saxlanmasına imkan verən məhsullar hazırlamağa başlayıb. Maliyyə qurumunun nümayəndələri deyirlər ki, bu istiqamətdə işi, ölkədə kriptovalyuta xidmətlərinə tələbatın artması stimullaşdırıb.
Layihə hazırlığın ilk mərhələsindədir, buna görə BKB hələ təxmini başlama tarixini belə açıqlamayıb və hansı kriptovalyuta ilə işləməyi planlaşdırdığı barədə də dəqiq məlumat verməyib. Bankın, yeni məhsulları özünün ayrıca bank lisenziyasına sahib olan törəmə şirkəti vasitəsi ilə təklif edəcəyi də istisna edilmir.
Bu xəbər bir daha İsveçrənin loyal kriptovalyuta ölkələrindən biri olduğunu təsdiqləyir. Xatırladaq ki, 2020-ci ilin iyunundan etibarən yerli maliyyə tənzimləyicisi, banklara rəqəmsal aktivlərlə əməliyyat aparmaq üçün icazə verməyə başlayıb.
Mənbə: zen.yandex.az
Şərhlər
Şərhləri göstər Şərhləri gizlət