İstanbulun mərkəzində lüks avtomobildə qarpız satdı, polis cərimələdi

Ens.az bildirir ki, İstanbulun mərkəzi rayonlarından biri olan  Beyoğlunda, qarpızın satıldığı lüks avtomobil, qeydiyyat sənədində göstərilən məqsədin xaricində istifadə edildiyi səbəbi ilə 15 gün hərəkətinə qadağa qoyulub və sürücüyə inzibati qaydada  pul cəzası kəsilib.

 İstanbulun Yol nəqliyyat Müfəttişliyi Şöbə Müdirliyi əməkdaşları lüks avtomobildə qarpız satan sürücünün İran vətəndaşı M.H.F olduğunu təyin edib.

Magistral Nəqliyyat Qanununun "Nəqliyyat vasitələrinin  qeydiyyat şəhadətnaməsində göstərilən məqsəddən başqa məqsədlər üçün istifadə edilməsi və idarə olunmasına icazə verilməsi" maddəsinə uyğun olaraq sürücüyə 1228 lirə inzibati cərimə tətbiq edilib və nəqliyyat vasitəsinin hərəkəti 15 gün müddətinə qadağan edilib.

 Sürücünün polis bölməsindəki ifadəsində, İranda  sosial media fenomeni olduğunu söylədiyi və hadisəni videoya çəkib sosial mediada paylaşmaq üçün həyata keçirdiyi öyrənilib.

Mənbə: sputniknews.com