İsrail ordusu “Hizbullah”ın Livandakı hədəflərinə hava zərbələri endirib

İsrail ordusu “Hizbullah”ın Livandakı hədəflərinə hava zərbələri endirib

İsrail ordusu “Hizbullah”ın Livanın cənubundakı hərbi obyektlərinə hava zərbələri endirib.

Ens.az Report.az-a istinadən xəbər verir ki, bu barədə ordunun mətbuat xidməti məlumat yayıb.

Kəşfiyyatın məlumatı əsasında “Hizbullah” birləşmələrinin reaktiv yaylım atəş sistemlərinin və digər silahlarının mövcud olduğu hədəflərə dəqiq zərbələr endirilib.

Vurğulanıb ki, hərbi obyektlərdəki silahlar və reaktiv yaylım atəşi sistemləri İsrail dövləti üçün təhlükə yaradıb və Livanla atəşkəs razılaşmalarının kobud şəkildə pozulmasını təşkil edib.

 

Qeyd olunub ki, İsrail ordusu ölkəyə qarşı hər hansı təhlükənin qarşısını almaq üçün fəaliyyət göstərməyə davam edəcək və “Hizbullah”ın Livanın cənubunda özünü bərpa etmək cəhdlərinin qarşısını alacaq.