İnnovasiyaların tətbiqi nəticəsində ərzağın qiyməti aşağı düşür – Nazir

Azərbaycanda belə bir forumun keçirilməsi ölkəmizin etibarlı partnyor olduğunu təsdiqləyir.

Axar.az xəbər verir ki, bunu Kənd Təsərrüfatı naziri İnam Kərimov aqrar və yaşıl texnologiyalar üzrə “AgTech and Green Energy” mövzusunda keçirilən Beynəlxalq Forumda çıxışında deyib.

Nazirin sözlərinə görə, Azərbaycanda aqrar sahənin sayı ÜDM-də də artıb:

"FAO-nun proqnozlarına görə, dünyada əhalinin sayı 2050-ci ildə 9,4 milyarda çatacaq. Bu da o deməkdir ki, biz ərzaq ehtiyatımızı 70 faizə çatdırmalıyıq. Bu ilin 9 ayında ÜDM-də kənd təsərrüfatının payı 4,3 faiz çoxalıb. Biz kənd təsərrüfatı məhsullarını ixrac edirik.

Aqrar sahəni inkişaf etdirmək üçün qarşımıza qoyduğumuz məqsəd fermer və kəndliləri yardım etmək, mövcud sahələrdə innovasiya və texnologiyaları tətbiq etməkdir. İnnovasiyanın tətbiqi sayəsində məhsuldarlıq 20-30 faiz çox olur. Ərzaq məhsullarının qiyməti isə 45-50 faiz aşağı düşür".