İmadəddin Nəsimi - Gətir, gətir, gətir ol kaseyi rəvanpərvər

İmadəddin Nəsimi - Gətir, gətir, gətir ol kaseyi rəvanpərvər

Getir, gətir, gətir ol kaseyi rəvanpərvər,
Götür, götür, götür ol çəngi, bir nəva göstər.
yerim, verim, verim öz canımı mən ol yarə, 
Öpüm, öpüm, öpüm ol ləli şəhdilə şəkkər. 
Ləbin, ləbin, ləbinizdən əqiq ləlilə mat,
Dişin, dişin, dişinizdən bəhanəsiz gövhər. 
Sözün, sözün, sözünüzdən utandı qəndü nəbat, 
Üzün, üzün, üzünüzdən tutulu şəmsü qəmər. 
Məni, məni, məni qəmzə oxilə öldürdü!
Sənin, sənin, sənin ol cadu gözlərin yeksər.
Saçın, saçın, saçınızdan Xətayi müşk xəcil, 
Qaşın, qaşın, qaşınızdan bu kirpiyinlə cigər.
Yəqin, yəqin, yəqinindən Nəsimiyə bilgil, 
Həbib, həbib, bu həbibdir ki, dildə şol söylər.