Huawei-nin ağıllı telefon satışında kəskin azalma gözlənilir

Tramp-ın qadağanları səbəbilə Apple-ın rəqibi Huawei-nin satışlarında kəskin azalmalar ola biləcəyi nəzərdə tutulur

 Domald Trampın rəhbərlik etdiyi ABŞ hökuməti tərəfindən "qara siyahı"ya daxil edilən Çinin "Huawei Technologies Co." şirkəti,  beynəlxalq ağıllı telefon satışlarında 40 - 60% civarında azalma gözləyir.

"Marja" xarici mətbuata istinadən xəbər verir ki, mövzuya yaxın mənbələrə görə, Çinin ən böyük texnologiya şirkəti yeni çıxan Honor 20  modeli üçün satış variantları axtarışındadır.

Məhsulun Fransa və Birləşmiş Krallıq da daxil olmaqla 21 İyunda Avropanın bəzi bölgələrində satışı başlayacaq; lakin adının açıqlanmasını istəməyən sifarişçilər satışların gözləniləndən aşağı olması halında sifarişləri ləğv edəcəklərini açıqlayıblar. 

Mövzu ilə əlaqəli iki nəfər, Fransanın iki böyük şirkətinin hal-hazırda Honor modelinə dair çətinlikləri olduğunu qeyd ediblər.

ABŞ May ayında Huawei-ni "qara siyahı"ya daxil edərək işlərini davam etdirə bilməsi üçün ehtiyacı olan Amerika ehtiyat hissələrini və proqramlarını əldə etməsini məhdudlaşdırmışdır. Buna Google Android sistemdəki yenilənmələr də daxildir. Söz mövzusu proqram olmadan Honor 20 kimi məhsullarda Google Maps ya da Gmail kimi kritik proqramlar çalışmır.