Hollandiyada bu türk qəhrəman elan edildi

Hollandiyada bu türk qəhrəman elan edildi

Avtomobili ilə kanala düşən 75 yaşlı qadını xilas etmək istərkən dünyasını dəyişən türk əsilli yol polisi Hollandiyada qəhrəman elan edilib.

“Ölkə.Az” xəbər verir ki, bu barədə Hollandiya mətbuatı xəbər yayıb. Rotterdam şəhərində bazar günü avtomobili ilə kanala düşən 75 yaşlı qadını xilas etmək üçün heç düşünmədən kanala tullanan 51 yaşlı Salih Uğur Papadoğan ürəyi dayandığı üçün vəfat edib.

Kanaldan əvvəlcə qadının, bir neçə saat sonra isə Papadoğanın meyiti tapılıb. Salih Uğurun oğlu Ufuk Deniz isə mətbuata açıqlamasında ailəsinin çox pərişan olduğunu amma atası ilə qürur duyduqlarını bildirib. O, atasının suyun çox soyuq olması ucbatından ürəyinin dayandığını bildirib: “Atam bir qəhrəmandır, onunla qürur duyuram”.