“Sitara” şirkəti 2019-cu il martın 2-də 30 iş adamının iştirakıyla Xankəndində yeni sərgi də keçirəcək…
Noyabrın 23-də Azərbaycanın erməni işğalı altındakı Xankəndi şəhərində Hindistan mallarının sərgi-satışı açılıb.
Moderator.az xəbər verir ki, bu haqda separatçı nəşrlərdən birinin ingilis versiyası məlumat yayıb. Sərgi dekabrın 7-dək davam edəcək. Hindistanın “Sitara” şirkətinin direktoru Navab Ansari artıq Qarabağda 4-cü dəfədir belə sərgi keçirdiklərini bildirib.
Şirkətin Hindistanın müxtəlif şəhərlərində fəaliyyət göstərən 12 nümayəndəsi Xankəndindəki ermənilər üçün 16 pavilyon təşkil edib. Sərgidə müxtəlif hind malları: mebel, geyim, əl işləri, ədviyyat və s. satılır. Hind şirkət rəhbəri sərginin sonuncu günü dekabrın 7-də məişət cihazları və digər malların uduşa qoyulacağı lotereya oynanılacaq. N.Ansari Xankəndində xüsusi Hindistan mağazası da açacağını vəd edib.
“Sitara” şirkətinin 2019-cu il martın 2-də 30 iş adamının iştirakıyla Azərbaycanın işğal altındakı torpaqlarında yeni sərgi keçirəcəyi də məlum olub…
P.S. Bəyanat, nota, görüş, çıxış, danışıq, monitorinq bol olarsa, basılmaz vətən!..
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət