Hacı Əliyevə qarşı haqsızlıq, qalmaqal düşdü

Hacı Əliyevə qarşı haqsızlıq, qalmaqal düşdü

Qazaxıstanın paytaxtı Nur-Sultan şəhərində keçirilən güləş üzrə dünya çempionatında Azərbaycan idmançısı Hacı Əliyev ilk görüşünə çıxıb.

Azvision.az xəbər verir ki, 65 kq çəki dərəcəsində mübarizə aparan üçqat dünya çempionu H.Əliyev rusiyalı Hacımurad Rəşidovla üz-üzə gəlib. Hakimlərin haqsız qərarı nəticəsində təmsilçimiz ilk görüşdə uduzub.

Belə ki, birinci hissədə pəhləvanımız 2:1 hesabı ilə geriyə düşüb. İkinci hissədə rusiyalı idmançı yenidən önə keçib - 3:2. Buna baxmayaraq, son saniyələrdəki fəndləri ilə Əliyev hesabı 4:3 öz xeyrinə dəyişib. Lakin Rusiya tərəfin etirazından sonra videotəkrara baxılıb. Nəticədə Əliyevin 2 xalı silinib. Hakimlərin qərarı ilə azərbaycanlı pəhləvan uduzdurulub - 2:4.

Qərardan narazı qalan Əliyev qırmızı vərəqəni hakimlərə tərəf atıb. Hakimlər isə cavab olaraq qırmızı vərəqəni Əliyevə göstərərək onu yarışdan uzaqlaşdırıblar. Güləşçi daha sonra hakimlərin üzərinə getmək istəyib. Məşqçilər və yerli polisin müdaxiləsindən sonra Əliyevi güləş döşəyindən uzaqlaşdırmaq mümkün olub.