Gürcüstanın 100-ə yaxın vətəndaşı Azərbaycandan təxliyə ediləcək
Azərbaycanda olan 100-ə yaxın Gürcüstan vətəndaşı vətənə çatdırılacaq.
“Report”un yerli bürosu xəbər verir ki, bu barədə Gürcüstanın Xarici İşlər Nazirliyindən bildirilib.
Vətəndaşların Gürcüstana qayıtması bu ölkənin Azərbaycandakı səfirliyi və Gəncə şəhərindəki Baş konsulluğunun təşkilatçılığı ilə həyata keçiriləcək.
Gürcüstan vətəndaşları yaxın günlərdə avtobusla ölkəyə yola salınacaq. Sərhədi keçən kimi onların iki həftə ərzində karantində saxlanılması nəzərdə tutulub.
Şərhlər
Şərhləri göstər Şərhləri gizlət