Bu, belə kompüterlərin praktik tətbiqi yolundakı ilk addım adlandırılır.
Google tədqiqatçıları kvant kompüterində kimyəvi reaksiyanı modelləşdiriblər. Bunun, belə kompüterlərin praktik tətbiqi yolunda ilk addım olduğunu iddia edirlər.
Tədqiqatçılar, iki azot və iki hidrogen atomundan ibarət bir diimid molekulunu modelləşdiriblər. Reaksiya zamanı hidrogen atomları azotlu birləşmələr ətrafında müxtəlif konfiqurasiyalarda birləşir.
Əhəmiyyətli olan budur ki, kvant kompüterindəki modelləşdirmənin nəticəsi klassik kompüterlərdəki modelləşdirmə nəticələrinə uyğundur. Modelləşdirmənin 12 kubitdə (kubit - kvant kompüterində informasiyanı saxlamaq üçün ən kiçik elementdir) həyata keçirildiyi bildirilir.
Tədqiqatçılar bu prossesin miqyaslı olduğunu qeyd ediblər. Böyük molekullarda reaksiyaları modelləşdirmək üçün daha çox kubit istifadə etmək və hesablama üçün kiçik əlavə parametrlər tətbiq etmək lazımdır.
Gələcəkdə alimlər kvant modelləşdirməsindən istifadə edərək yeni kimyəvi maddələr yaratmağa ümid edirlər.
Mənbə: ferra.ru
Şərhlər
Şərhləri göstər Şərhləri gizlət