Parlamentdə Ağsu aşırımına vəsait ayrılması təklif edilib
“2020-ci ilin büdcə layihəsi ümümdünya inkişaf tempinə yaxındır. Bütün bunlar ölkə başçısının iradəsi sayəsində mümkün olub”.
APA-nın xəbərinə görə, bunu deputat Tahir Kərimli parlamentin bu gün keçirilən plenar iclasında büdcə müzakirələri zamanı deyib.
Deputat bildirib ki, 2023-cü ilə qədər dövlət büdcəsində hərbi xərclərə ayrılan vəsait azalıb: “Nə üçün bizim hərbi büdcəmiz 2023-cü ilədəkr azalıb? Bəlkə biz Dağlıq Qarabağ müharibəsini udmuşuq? Büdcədə sosial sahəyə daha çox yer ayrılır. Lakin müdafiə məsələlərində diqqətli olmalıyıq”.
T. Kərimli Ağsu aşırımına vəsait ayrılmasını təklif edib: “On illərdir, Ağsuya avtobus girib-çıxmır. Nə üçün insanlar cehiz aparmaq üçün kilometrlərlə piyada yol getməlidir?”
Bununla yanaşı, deputat maliyyə amnistiyasının verilməsini, Azərbaycan dilinə aid elmi tədqiqat institutunun yaradılmasının vacibliyini qeyd edib.
Şərhlər
Şərhləri göstər Şərhləri gizlət