“Galaxy S10+” smartfonunun “selfi”-kamerası “DxOMark” reytinqində birinci yeri tutub

Kameraların peşəkar müqayisəsi ilə məşğul olan tanınmış “DxOMark” xidmətinin sahibi olan “DxO Labs” şirkəti bu günlərdə elan edilmiş “Galaxy S10+” qabaqcıl smartfonunu sınaqdan keçirib.
 
“ICTnews” Elektron Xəbər Xidməti “ferra.ru” saytına istinadən yazır ki, əsas kameranın imkanlarına görə “Huawei Mate 20 Pro” və “P20 Pro” ilə ilk yerləri bölüşüb. Bu smartfonlardan hər biri 109 bal toplayıb. Ancaq “Galaxy S10+” aparatı “selfi”-kameranın imkanlarına görə birmənalı lider olub.
 
Sözügedən smartfon foto imkanlarına görə 114 bal toplamağa nail olub. Mütəxəssislər ağ balansın dəqiqliyini, bir çox hallarda yaxşı rəng ötürücülüyünü, otaq şəraitində və zəif işıqlandırma zamanı çəkiliş vaxtı küyün az olmasını, geniş dinamik diapazon, yaxşı ekspozisiyanı, yaxın məsafədə yaxşı detallaşdırmanı qeyd ediblər. Əksər hallarda xırda detalların yoxluğu, kəskinliyin itməsi, uzaq məsafəni yaxınlaşdırdıqda detallaşdırmanın zəif olması, kənarlarda artefaktlar neqativ kimi qiymətləndirilib.
 
Aparatın videoçəkiliş imkanı 97 balla qiymətləndirilib.