Kəsilmənin səbəbi yataqxanada əlavə elektrik cihazlarının istifadəsinə qoyulan qadağanın pozulması olub
Azərbaycanlılara elektrik enerjisini kəsən şirkət bunun elektrik şəbəkəsinin həddindən artıq yüklənməsi səbəbindən məcburi tədbir olduğunu bildirib.
Ens.az xəbər verir ki, bu ölkədə sığınacaq üçün müraciət edən azərbaycanlıların yaşadığı Frankfurtdakı yataqxanada elektrik enerjisinin verilməsi kəsilib.
Kəsilmənin səbəbi yataqxanada əlavə elektrik cihazlarının istifadəsinə qoyulan qadağanın pozulması olub. Nəticədə, yataqxana rəhbərliyindən məsul olan Diaconiye təşkilatı binadakı işıqları söndürmək əmri verib.
Bu qərar qaçqın təşkilatları tərəfindən mübahisələrlə qarşılanıb. Belə ki, Alman Qızıl Xaç Cəmiyyəti bunu "qeyri-insani bir hərəkət" adlandırıb və Diaconie təşkilatının problemi həll etmək əvəzinə, insanları cəzalandırdığını söylədi.
Diaconie rəhbərliyi bunun elektrik şəbəkəsinin həddindən artıq yüklənməsi səbəbindən məcburi tədbir olduğunu bildirərək cavab verib. Onların bildirdiyinə görə, bu qərar, yanğın təhlükəsizliyi qaydalarına əsaslanır və qanunidir.
"Bu yataqxanada bir neçə dəfə yanğınlar baş verib. Ümumi mətbəxin olmasına baxmayaraq, sakinlər otaqlarda elektrik sobalarından istifadə edirlər. Nəticədə xətlər həddən artıq yükləndi və nəticədə partlayışlar baş verdi.Sakinlərə xəbərdarlıq edildi. Polis və Yanğın Mühafizəsi Xidməti əməkdaşları bütün otaqlara baxış keçirərək artıq elektrik cihazlarını müsadirə etdilər. Ancaq dünən məlum oldu ki, bəzi sakinlər hələ də elektrik cihazlarından istifadə edirlər "deyə təşkilat izah edib.
Qeyd edək ki, Frankfurtdakı yataqxanada 300 nəfər yaşayır, onlardan 8-i Azərbaycan vətəndaşıdır.
Mənbə: az.sputniknews.ru
Şərhlər
Şərhləri göstər Şərhləri gizlət