Facebook sosial şəbəkədən kənarda istifadəçi hərəkətləri tarixçəsini bildirən nişan əlavə edib
Bu, istifadəçilərə üçüncü tərəf tətbiqetmələrində etdikləri hərəkətlərin tarixçəsinə baxmağa və ya silməyə imkan yaradacaq
Ens.az xəbər verir ki, Facebook sosial şəbəkədən kənarda istifadəçilər haqqında məlumatlar olan "Facebook xaricindəki hərəkətlər" nişanını əlavə edib. Bunu qoşmaq üçün hesab parametrlərində düzənləmələrdən istifadə edilməlidir.
Yeni funksiya ilə istifadəçi bu məlumatları sosial şəbəkəyə "iş üçün alətlər" vasitəsi ilə ötürən tətbiq və saytlardakı hərəkətləri barədə məlumatları görə bilər. Məsələn, Facebook məlumatları nytimes.com, Ozon, TikTok və s.alır.
Bundan başqa, istifadəçilər hər hansı konkret bir şirkətdən məlumat ötürülməsini dayandıra və ya hərəkətlərinin tarixini tamamilə silə də bilər.
Şərhlər
Şərhləri göstər Şərhləri gizlət