Ermənilər Rusiyaya qaçır, azərbaycanlılar isə... - Statistika

2019-cu ilin ilk ayları ərzində Rusiyaya gələn miqrantların sayı 98 min nəfərə çatıb.

Axar.az xəbər verir ki, bu məlumatı Rusiya Statistika Xidməti yayıb. Məlumata görə, cari ilin ilk rübündə ölkəyə gələnlərin sayı son 10 ilin analoji dövrləri müqayisədə çox olub.

2019-cu ilin ilk dörd ayında Rusiyaya MDB ölkələrindən 86,4 min miqrant gəlib. Cari ilin ilk rübündə ölkəyə ən çox miqrant Qazaxıstan və Ukraynadan gəlib. Ondan sonrakı yeri Tacikistan və Ermənistan tutub.

Miqrant axınına görə ən böyük artım Ermənistandan olub. Belə ki, keçən ilin analoji dövrüylə müqayisədə İrəvandan Rusiyaya gələn miqrantların sayı təxminən 3 dəfəyə qədər və ya 4,9 min nəfərdən 12,8 min nəfərə qədər artıb. Ondan sonrakı yeri isə Ukrayna tutub. Rusiyaya gələn ukraynalıların sayı 7,4 mindən 16,1 min nəfərə qədər artıb.

Azərbaycandan Rusiyaya gedən miqrantların sayı cəmi 5900 nəfər təşkil edib.

Cari ildə Rusiyaya ən az miqrant Türkmənistandan gedib.