Erməni polisləri kütləvi şəkildə cəbhə xəttində qulluq etməkdən imtina edirlər
“Qraparak” qəzeti yazır ki, daxili polis qüvvələrində narazılıq yaranıb.
Ermənistanın köhnə yumşaq şərtləri əsasında işləyən polislər yeni şərtlərə - cəbhə xəttində qulluq etmək xəbərinə uyğunlaşa bilmirlər. Xatırladaq ki, bu ilin avqust ayından baş nazir Nikol Paşinyanın qərarı ilə daxili polis qüvvələrində xidmət göstərənlər 15 gün müddətinə xidməti davam etdirmək üçün sərhədə yollanır.
Bununla belə, onları xidmət üçün Ermənistan-Azərbaycan sərhədinin çox təhlükəli sahələrinə göndərirlər.
“Biz belə məlumatlar alırıq ki, onlarla əməkdaş müqaviləni pozub və sistemdən çıxıb. Onlar növbətçilik üçün əlavə olaraq əldə etdikləri 32 min dramdan imtina edirlər. Hərçənd, sistemdən kütləvi çıxma haqqında olan şayələr rəsmi olaraq təsdiqlənmir”, - qəzet yazır.
Mənbə: Day.az
Şərhlər
Şərhləri göstər Şərhləri gizlət