Ərdoğandan İrəvana mesaj: “Qarabağ bizim də problemimizdir”
"Dağlıq Qarabağ problemi bizim də problemimizdir. Türkiyə olaraq Azərbaycanın mübarizəsini sonadək dəstəkləyəcəyik".
Femida.az xəbər verir ki, bunu Türkiyə Prezidenti Rəcəb Tayyib Ərdoğan Bakı şəhərinin azad edilməsinin 100 illiyinə həsr olunmuş paraddakı çıxışında deyib.
Ərdoğan Azərbaycan torpaqlarını işğal edən Ermənistana Bakıdan mesaj göndərib.
"Qardaşlarımızın 20 faiz torpağını işğal edənlərin bizdən sərhədləri açmağı gözləməsi boşunadır. Türkiyənin bununla bağlı mövqeyi qətidir. Öncəliklə addım atması gərəkən işğalçılardır. Əlbəttə, biz bütün qonşularımızla yaxşı münasibət qurmaq istəyirik. Dağlıq Qarabağ probleminin həlli Ermənistanla münasibətlərimizin düzəlməsinin əsas şərtidir", - deyə Ərdoğan vurğulayıb.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət