Ərdoğan Qarabağ münaqişəsi haqda – Tanrı köməyimiz olsun
Ərdoğan qeyd edib ki, Dağlıq Qarabağ münaqişəsinin ən qısa zamanda Azərbaycanın ərazi bütövlüyü çərçivəsində həll olunması üçün əlindən gələni etməyə davam edəcək.
"Milli mübarizələrimizdə bir-birimizin yanında durmaq qardaşlığımızın göstəricisidir. Azərbaycanın öz torpağı - Dağlıq Qarabağ və ətraf torpaqların Ermənistanın işğalı altında olması 1 milyondan çox qardaşımızı evlərindən, yurdlarından uzaqda qaçqın və məcburi köçkün şəraitində yaşamaq məcburiyyətində buraxıb".
Sputnik Azərbaycan xəbər verir ki, bunu Türkiyənin Prezidenti Rəcəb Tayyib Ərdoğan Bakıda Türkdilli Dövlətlərin Əməkdaşlıq Şurasının 7-ci sammitində çıxışı zamanı bildirib.
Türkiyə prezidenti BMT-də çıxışı zamanı hazırki vəziyyətin qəbuledilməz olduğunu vurğuladığını dilə gətirib. O qeyd edib ki, Dağlıq Qarabağ münaqişəsinin ən qısa zamanda Azərbaycanın ərazi bütövlüyü çərçivəsində həll olunması üçün əlindən gələni etməyə davam edəcək.
Türkiyə prezidenti həmçinin qeyd edib: "Növbəti ildə Türkiyədə keçiriləcək VIII zirvə toplantısında Türkmənistanı öz aramızda görəcəyimizə inanıram. Tanrı köməyimiz olsun".
Şərhlər
Şərhləri göstər Şərhləri gizlət