Ən yaxşı 3 yolsuzluq avtomobili

Ens.az xəbər verir ki, bir çox kişi sürücülər yolsuzluq avtomobillərinə üstünlük verir. Bu tip avtomobillərin üstünlüyü onların "vəhşiliyi" dir.

Avtomobil istehsalçıları daha güclü cinsin nümayəndələrinin zövqlərini nəzərə alaraq yolsuzluq avtomobillərinin daha maraqlı modellərini istehsal edirlər.

Rusiyalı mütəxəssislər bu sırada 3 modeli xüsusi fərqləndiriblər.

Bu reytinqə Toyota FJ Cruiser başçılıq edir. Bu nəqliyyat vasitəsi yolsuzluq avtomobili ölçüləri baxımından kiçikdir.

Bununla belə, maraqlı xarici dizaynı, yüksək keçicilik imkanı və möhtəşəm işıqlandırma sistemi onun üstünlüyü kimi qəbul olunur.

Bu maşında 4.0 litr və 250 at gücündə mühərrik quraşdırılmışdır.

İkinci pilləni Nissan Patrol modeli tutub. Yüksək klirensi sayəsində avtomobil yolsuzluq şəraitinin öhdəsindən yüksək səviyyədə gəlir.

Bu model konfiqurasiyadan asılı olaraq 2.8-5.6 litrlik 95-400 at gücünə malik mühərriklə təchiz edilmişdir.

Ən yaxşı 3-cü krossover siyahısında Yaponiya istehsalı SUV Infiniti QX56 modeli də var.

Avtomobilin üstünlüyü nisbətən aşağı qiymətdir.

Bu model 350 at qüvvəsi olan 5.6 litrlik mühərrikə sahibdir.