Əliyev-Paşinyan görüşündən danışmaq tezdir - Karapetyan
Ermənistan Baş naziri Nikol Paşinyanla Azərbaycan Prezidenti İlham Əliyevin Qarabağın həlli çərçivəsində görüşü haqqında danışmaq tezdir.
Axar.az xəbər verir ki, bu sözləri Ermənistan Baş nazirinin mətbuat katibi Vladimir Karapetyan deyib.
“Mənə ayaqüstü görüşülərin effektivliyi çox da aydın deyil. Görüş imkanlarını istisna etmək istəmirəm, amma hazırlıq işi olmadığı üçün danışıqlar haqqında danışmağı tez hesab edirəm”, – deyə o bildirib.
Qeyd edək ki, bundan öncə Azərbaycan-Ermənistan liderlərinin arasında indiyə qədər 4 görüş keçirilib. Görüşlər Düşənbə, Sankt-Peterburq, Davos və Vyanada olub.
Yalnız Vyanadakı görüş bunların içərisində rəsmi sayılır.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət