Əlilliyi olan şəxslər qiraətçi və peşəkar surdo tərcüməçi xidmətləri ilə təmin ediləcək
Azərbaycanda inzibati icraatda iştirak edən və ixtisaslaşmış vasitəçilərin köməyinə ehtiyacı olan əlilliyi olan şəxslərin ixtisaslaşmış vasitəçilərin (qiraətçilərin və peşəkar surdo tərcüməçilərin) xidmətləri ilə təmin edilməsi təklif olunur.
Ens.az “Report”a istinadən xəbər verir ki, bununla bağlı "İnzibati icraat haqqında" qanuna yeni 27.2-1-ci bənd əlavə olunur.
Yeni bəndə əsasən, inzibati icraatda iştirak edən və ixtisaslaşmış vasitəçilərin köməyinə ehtiyacı olan əlilliyi olan şəxslər ixtisaslaşmış vasitəçilərin (qiraətçilərin və peşəkar surdo tərcüməçilərin) xidmətləri ilə təmin ediləcəklər. Bu halda ixtisaslaşmış vasitəçilər (qiraətçilər və peşəkar surdo tərcüməçilər) bu qanunun məqsədləri üçün tərcüməçi hesab olunacaqlar.
Şərhlər
Şərhləri göstər Şərhləri gizlət