Ələsgərov Zaur Rasim oğlu

Ələsgərov Zaur Rasim oğlu - "20 Yanvar Şəhidi"

Zaur Ələsgərov - 20 yanvar şəhidi. Azərbaycan Respublikasının Prezidentinin 31 mart 1998-ci il tarixdə fərmanı ilə ölümündən sonra 20 Yanvar Şəhidi fəxri adı verilmişdir.

1969-cu ildə Bakıda anadan olub. 2 nömrəli texniki-peşə məktəbini maşinist köməkçisi ixtisası üzrə bitirib. Əsgəri xidmətini Qazaxıstanın Semipalatinsk şəhərində keçirib. O gecə dostları ilə birlikdə XI Qızıl Ordu meydanına gedib. Bir daha qayıtmayıb. 20-də onu heç yerdən tapa bilməyiblər. Yanvarın 21-də meyidini təcili yardım maşını Semaşkodakı mərkəzi meyidxanaya gətirib. Haradan gətirildiyi bəlli deyil. Zaur Ələsgərov güllə yarası alıb. Başından, ürək nahiyəsindən və ayağından. Şəhidlər xiyabanında dəfn edilib.

Ünvan

Bu ünvanda yaşamışdır: Bakı şəhəri, 6-cı mikrorayon, S. Lazo küçəsi, ev 203, mənzil 23