Əldə olunan yeni tibbi material cərrahiyyədə insan toxumasını əvəz edə bilər

Çevik elastik material bədən üçün zəhərli təsirə malik deyil və bundan əlavə toxumaların dəyişdirilməsi , dərmanların birbaşa zədələnmiş nahiyəyə çatdırılmasını asanlaşdıra bilər. Alimlər bildiriblər ki , onun unikal xüsusiyyətlərə malik olması, müxtəlif insan toxumalarının əvəzləməsinə kömək edəcək.

Çalmers Texnologiya Universitetinin (İsveç) alimləri pleksiqlas əsasında insan orqanı toxumalarının əvəzedicisi rolunu oynaya bilən bioloji uyğun bir material hazırladılar. Ens.az saytı bildirir ki, materialın heç bir komponenti toksik təsir göstərmir və insan orqanizmində yaxşı işləyir.

Əvvəlcə elm adamları sümük toxumasına bənzər, möhkəm material hazırlamağı planlaşdırırdılar. Bununla belə, pleksiqlasın quruluşunu dəyişdirərək əldə olunan yeni material öz xüsusiyyətlərinə görə çevik və son dərəcə elastik oldu.

Materialı rezinlə müqayisə etmək olar və xüsusiyyətlərin qeyri-adi birləşməsi onu tibbdə istifadə üçün əlverişli hala gətirir.

“Hazırda araşdırılan materialdan ilk istifadə sidik kateterlərinin yaradılmasıdır. Bundan əlavə, zədələnmiş qığırdaq və digər toxumaları əvəz etmək üçün istifadə edilə bilər ”deyə tədqiqatın müəllifi Martin Anderson bildirib.

Yeni materialın əhəmiyyətli bir üstünlüyü də onun antibakterial xüsusiyyətlərə malik olmasıdır. Buna antimikrob peptidlərin( anadangəlmə immunitet sisteminin molekullar) səthinə yapışdırmaqla nail olunur.

Material minimal invaziv əməliyyatdan istifadə etməklə yeridilə bilər. Bədənə qatı bir maye yeridilir və elastik quruluşların meydana gəlməsi artıq bədənin daxilində baş verir. Digər tərəfdən, material xüsusi 3D quruluşlarla əvvəlcədən çap edilə və bədənə inteqrasiya oluna bilər.

Bununla yanaşı, materialın quruluşu müxtəlif müalicəvi məqsədlərlə istifadə olunan dərmanların bədənə yeridilməsi üçün nanoporalara malikdir.

Məsələn, toxumanın bərpasının yaxşılaşdırılması və ya iltihabı azaltmaq üçün. Bu yanaşma, dərmanların bütün bədənə təsirini azaltmaqla lokal( yerli) təsir göstərməyə imkan verir.

Alimlər artıq texnologiyanı patentləşdiriblər və hazırda materialın sınanması üzərində işlərini davam etdirirlər. "Bu, toksik olmayan materialların inkişafında perspektivli bir nailiyyətdir və çox sayda insana fayda gətirə bilər" deyə tədqiqatçılar sözlərini tamamlayıblar.

Tibbi istifadə üçün başqa bir texnoloji material ABŞ alimləri tərəfindən hazırlanmışdır, lakin onun təyinatı xaricidir. Onu , sağlamlıq vəziyyətinə nəzarət etmək üçün toxumaya yapışdırmaq olar.

Mənbə: hightech.plus