Ekspertlər uzun müddət buraxılan avtomobilləri müəyyən etdilər

Bəzi avtomobil istehsalçılarında onilliklərlə buraxılan modellər var. Bu maşınlar həqiqətən çox azdır. Görünür, onlar ölümsüzdürlər. Sizə uzun müddətdir buraxılan 10 avtomobili təqdim edirik.

Chevrolet Suburban - Suburban modelinin ilk nəsli 1935-ci ildə çıxdı. Bu model tezliklə 100 yaşında olacaq. İndi bu SUV-un on birinci nəsli satılır.

Ford F seriyası - 1947 Ford F-Series pikapının kütləvi istehsalı 1947-ci ildə başlamışdır. O, 1977-ci ildən etibarən ABŞ-da ən çox satılan avtomobil olmuşdur.

Toyota Land Cruiser - 1951 Yapon yolsuzluq avtomobili Toyota Land Cruiser 70 ildən çoxdur ki, satışdadır. Bu müddət ərzində dizaynda az dəyişiklik edilib, amma bəzi yeniliklər olub.

Chevrolet Corvette - 1953 Chevrolet Corvette haqlı olaraq əfsanəvi model hesab olunur. Yeni nəsil çıxandan sonra bu belə qalacaqmı? Yeni Corvette modelində mühərrik ortada yerləşəcək.

Mercedes-Benz SL - 1954 Hər il Mercedes-Benz SL alman kabrioletinin satışı azalır. Lakin biz əminik ki, Mercedes-Benz heç vaxt ondan imtina etməyəcək.

Toyota Crown - 1955 Toyota Crown sedanı 1955-ci ildə buraxılıb. İndi onun on beşinci nəsli buraxılır (o TNGA platforması əsasında hazırlanmışdır).

Nissan Skyline - 1957 1957-ci ildə Nissan Skyline ilk dəfə satışa çıxarılanda olduqca sadə sedan idi. İndi o, yüksək performanslı Infiniti Q50 olub.

Porsche 911 - 1963 Porsche 911 bəlkə də, dünyada ən məşhur sportkardır. Bir çox onilliklərdir ki, o alman avtomobil sənayesinin nəyə qadir olduğunu göstərən əla nümunədir.

Ford Mustang - 1964 Ford Mustang uzun müddətdir ki, təzim edilən avtomobil olmuşdur. Bir çoxları üçün o, amerikan həyat tərzinin simvoludur. 2014-cü ildən Mustang Avropada da satılır. Özü də çox uğurla satılır.

Toyota Corolla - 1966 Totota Corolla 1966-cı ildə buraxılıb. İndi onun on ikinci nəsli buraxılır. Bütün bu vaxt ərzində dünyada bu modelin 40 milyondan çox nümunəsi satılıb.

Chevrolet Camaro - 1966 Corolla kimi Chevrolet Camaro modelinin ilk nəslinin istehsalı 1966-cı ildə başlanıb. İndi bu modelin altıncı nəsli buraxılır. Üstəlik, o, təkcə ABŞ-da deyil, Avropada da satılır.

Mənbə: finance.ua