Əhməd Cavad - Nədən yarandın
Sən qüdrətin aşıb-daşan vaxtında
Mələklərin gülüşündən yarandın.
Səhər dilli bir fırçanın əlilə
Ahuların duruşundan yarandın.
Ay işığı... Gözəlliyin, qızlığın
Çiçəklərlə öpüşündən yarandın.
Sərinlətdin baxışınla könlümü,
Buludların uçuşundan yarandın...
Qələm əldə ilhamını dinlərkən
Sən qəlbimin vuruşundan yarandın.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət