1. ƏDƏBİYYAT

Əbdülxalıq Yusif - Nihani bəslənir ləlin xəyalı can arasında

Əbdülxalıq Yusif - Nihani bəslənir ləlin xəyalı can arasında

Əbdülxalıq Yusif - Nihani bəslənir ləlin xəyalı can arasında

Nihani bəslənir ləlin xəyalı can arasında,
Bəli, can riştəsi vardır, deyirlər, qan arasında. 

Qübari-məqdəmin didəmdə müşküldür məkan tutsun,
Nə nisbət var gədayi-məhz ilə sultan arasında. 

Gözün tiği-müjənlə tökdülər bir ləhzədə qanım,
Vəli, məhv oldu bu qan çeşmilə müjgan arasında.

Camalın nurunu bu hüsnilə dərk eyləməz zahid,
O biçarə nə bilsin ki, nə var Quran arasında. 

Zəminü asimanda hər qədər fərq olsa, vazehdir,
O qədri var məsafət zöhd ilə ürfan arasında. 

Tikandan gül çıxar, adət budur, amma nə nisbət var
Nəzərdə xar ilə ol qönçeyi-xəndan arasında. 

Əgər keyfiyyəti-mey, cəzbəyi-eşq olmasa, Yusif,
Təfavüt bəs nədir insan ilə heyvan arasında?

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

Nizami Gəncəvi

Redaktor seçimi

SON XƏBƏRLƏR