Əbdülxalıq Yusif

Əbdülxalıq Yusifi, Mirzə Əbdülxalıq Yusif — XIX əsr Azərbaycan şairi. Bakıda "Məcmə üş-şüəra" məclisinin…

Mirzə Əbdülxalıq Yusif 1853-cü ildə Bakıda doğulmuşdur. O əvvəllər Aşqabadda ticarətlə məşğul olmuş, sonra köçüb ömrünün axırına kimi Bakıda yaşamışdır. Atasının adı Yəqub olduğu üçün özünə "Yusif" təxəllüsünü götürən şair müasirlərindən Seyid Əzim, Molla Ağa Bixud, Əbdülxalıq Cənnati, Mirzə Səməndər və başqaları ilə dostluq etmiş, onlarla şeirləşmişdir. Əbdülxalıq Yusif 1924-cü il noyabrın 2-də vəfat etmişdir.

Onun Füzuli və digər sənətkarların təsirilə yazılmış aşiqanə qəzəllərdən ibarət kiçik divanı qalmışdır.

Əbdülxalıq Yusifi qəzəlləri ilə məşhurdur. O, S.Ə. Şirvani ilə şeir məclislərində iştirak etmiş və onunla əlaqə saxlamışdır. Qəzəllərindən bir neçəsi 1981-ci ildə Bakıda nəşr olunmuş "Deyilən söz yadigardır" kitabında çap olunmuşdur

 

 

Qəzəlləri

• Çəməndə naləni ögrəndi mürğani-çəmən məndən
• Ey güli-tər, məni xar eyləmədinmi? Elədin
• Hər kəsdə kəmal olmasa ürfanlığa dair
• Kimdir ki, verməsin könül əbrukəmanlara
• Könlüm xoş olur ol büti-zibayə baxanda ‎
• Müsəlsəl zülfdür çin-çin olub dilbər kənarında
• Nihani bəslənir ləlin xəyalı can arasında
• Sirri-eşqi demək olseydi, nihan etməz idim
• Ta cəmalın rütbəsin, ey şux, idrak eylədi
• Tapmışam könlümü mən, türreyi-cananda imiş
• Zülfi-xəmin ki, xəlq deyərlər, kəmənd ona