Dünya Neft Konqresi təxirə salındı
Bu il dekabrın 6-dan 10-dək Hyustonda keçirilməsi nəzərdə tutulan 26-cı Dünya Neft Konqresi gələn il dekabrın 5-9-na təxirə salındı.
Ens.az Report.az-a istinadən xəbər verir ki,bu barədə tədbirin Təşkilat Komitəsinin açıqlamasında bildirilir.
“COVID-19-in səhiyyə, təhlükəsizlik, səyahətlərin məhdudlaşdırılması, dünya neft sənayesi də daxil olmaqla müxtəlif sahələrdəki fəsadlarının geniş yayılması dünya üçün fövqəladə təhlükələr yaradaraq neft-qaz sektoruna çox böyük ziyan yetirib”, - açıqlamada qeyd olunub.
Xatırladaq ki, tədbirin təşkilatçısı Dünya Neft Şurası 1933-cü ildə təsis edilib və qərargahı London şəhərində yerləşir. Qurumun 65 üzv ölkəsi arasında ən böyük neft istehsalçıları olan Səudiyyə Ərəbistanı, Rusiya və ABŞ da var.
Şərhlər
Şərhləri göstər Şərhləri gizlət