Dünya bazarlarında neftin qiyməti 70 dolları ötüb

Dünya bazarlarında neftin qiyməti 70 dolları ötüb

Martın 14-də dünya bazarlarında neft yenidən bahalaşıb.

Ens.az Apa.az-a istinadən xəbər verir ki,Nyu-Yorkun NYMEX əmtəə birjasında 2025-ci ilin aprel ayı üçün WTI neftinin barel qiyməti 0.95% (+0.63 dollar) artaraq 67.18 dollara çatıb.

ICE London qitələrarası birjasında 2025-ci ilin may ayı üçün Brent neftinin qiyməti isə 1.00% (+0.70 dollar) qalxaraq 70.58 dollara yüksəlib.

Qeyd edək ki, bu artım əsasən beynəlxalq tələbatın güclənməsi və geosiyasi risklərin qiymət spekulyasiyalarını aktivləşdirməsi ilə əlaqələndirilir.