Dollu Mustafa - Sən yetiş dada

Dollu Mustafa - Sən yetiş dada

Özü birdir, adı minbir, ilahi!
Bir nəzər dərdimə sən eylə əta.
Aləmi xalq edən, haqq pərvərdigar,
Kəminə kətmərəm, sən yetiş dada.

Nida gəldi Musa sənnən danışdı, 
Qıya baxdı Tur od tutdu alışdı. 
Əmr eylədi Firon dəryaya düşdü
Firona dəryada dəydi bir qada.

Rəsula vəhy oldu, xətm oldu Quran,
Əyyubun dərdinə sən etdin dərman 
Sənnən danışardı Museyi-İmran, 
Lütfündən Musaya gəldi bir nida.
 
Fəqir Mustafa Məhəmməd dinində, 
Şeş-hezar, bist cahar on dörd minində. 
Hal necə olar ol qiyamət günündə, 
Ümidim ismimdi, pənahım xuda.