Diş implantları təhlükəli imiş – Alimlərdən xəbərdarlıq

Diş implantlarının təhlükəli olduğu açıqlanıb.

Ölkə.az bildirir ki, steril implantların səthi ideal deyil. Çünki qeyri-üzvi birləşmələr və çox sayda kənar kimyəvi elementlərlə hopdurulma izləri var, bu da peri-implantitin inkişafına səbəb ola bilər. “Diş həkimliyi” jurnalında Sibir Federal Universiteti və Rusiya Elmlər Akademiyasının Şimaldakı Tibbi Problemlər İnstitutunun alimlərinin müvafiq işi dərc edilmişdir. Mütəxəssislərin fikrincə, diş implantasiyası peri-implantitin yaranmasına səbəb ola bilər, lazer texnologiyalarından istifadə ümumi müalicə metodu hesab olunur.

Tədqiqatda müəlliflər lazer müalicəsinə məruz qalan üç fərqli istehsalçının müxtəlif növ implant səthlərinin (peri-implantit diaqnozu ilə) morfoloji və elementar tərkibini qiymətləndirib. “Peri-implantit diaqnozu qoyulan eksperimental implantların səthi kimyəvi elementlərlə çox çirklənmişdir və iltihab zamanı səthdə meydana gələn karbon (C), fosfor (P), kükürd (S), silikon (Si) və digərlərinin miqdarı böyükdür.” – alimlər yazıblar.

Mütəxəssislər lazer müalicəsinin eksperimental implantların səthlərinin çirklənməsini azalda biləcəyini qeyd ediblər. “Yəqin ki, lazer məruz qalması təkcə səthin bakteriyalardan zərərsizləşdirilməsinə imkan vermir, eyni zamanda orqanizmdən immun reaksiyasına səbəb olan xarici maddələri də aradan qaldırır ki, bu da öz növbəsində peri-implantit müalicəsinin zəif proqnoza təsir göstərə bilər” deyə müəlliflər yekunlaşdırıblar. Mart ayında Columbia Universitetinin (ABŞ) alimləri ağız boşluğunda tez-tez diş çürüməsi və periodontitlə rast gəlinən bir bakteriyanın kolon xərçəngi riskini artırdığını söyləyib.