DİN rəsmisi: “Maska və əlcəksiz çölə çıxmaq qayda pozuntusudur”
“Xüsusi karantin rejiminin qaydalarına görə, hər bir vətəndaş hətta çölə çıxmasına icazə olduqda belə, mütləq qaydada qoruyucu vasitələrdən istifadə etməlidir”.
Oxu.Az-ın məlumatına görə, bunu Nazirlər Kabineti yanında operativ qərargahın keçirdiyi mətbuat konfransında Daxili İşlər Nazirliyinin Baş İctimai Təhlükəsizlik İdarəsinin rəis müavini Əziz Baqişev bildirib.
Onun sözlərinə görə, bu, karantinin şərtləridir ki, mütləq qaydada çölə çıxarkən qoruyucu vasitələrdən istifadə olunmalıdır:
“Karantin qaydalarının hər bir şərtinin pozulması inzibati məsuliyyət deməkdir. Polis əməkdaşı maska və əlcək taxmadığına görə vətəndaşı cərimə edə bilər. Bu, karantin rejiminin qaydalarını pozduğuna görədir.
Çünki karantin rejimi qaydalarında da qoruyucu vasitələrdən istifadə zəruridir. İstifadə etməmək də bu qaydaları pozmaq deməkdir”.
Şərhlər
Şərhləri göstər Şərhləri gizlətTəhqiredici, mövzuya aid olmayan və böyük hərflərlə yazılan şərhlər təsdiqlənməyəcək.
Daha Çox