Daha bir şəhərdən Bakıya avtobus reysi açıldı
Reys həftədə bir dəfə həyata keçiriləcək
Azərbaycan tərəfinin təşəbbüsü ilə Bakıdan Simferopola müntəzəm avtobus reysləri açılıb.
Sputnik Azərbaycan xəbər verir ki, bu barədə RİA Novosti-yə "Krımavtotrans" şirkətinin rəhbəri İqor Korobçuk deyib.
"Bakıya reyslər keçən ay açılıb. Daşıyıcılar reysi həftədə bir dəfə həyata keçirəcəklər", - deyə Korobçuk bildirib.
O, həmçinin deyib ki, Belarusa da avtobus daşımalarının təşkil olunacağı gözlənilir.
"Minsk istiqamətində daşımalar hələ başlamayıb. Hazırda Moskvadan sənədlərin alınması məsələsi həll olunur", - Korobçuk deyib.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət