Çinin neft-qaz şirkətində güclü yanğın olub
Çinin şimal-şərqindəki Lyaonin əyalətində yerləşən Çin Milli Neft-Qaz Şirkətinin (CNPC) obyektlərinin birində böyük yanğın baş verib.
APA “TASS”-a istinadən xəbər verir ki, bu barədə Çin Mərkəzi Televiziyası məlumat yayıb.
Məlumata görə, yanğın yerli vaxtla 21:30-da (Bakı vaxtı ilə 17:30) Fuşun şəhərində qeydə alınıb. Yanğının baş verməsinə ildırım düşməsinin səbəb ola biləcəyi ehtimal olunur.
Hadisə yerinə gələn yanğınsöndürənlər yanğını söndürməyə çalışır. Zərərçəkənlər barədə hələlik məlumat verilməyib.
Şərhlər
Şərhləri göstər Şərhləri gizlət