Çində avtomobil zavodu maska istehsalına başlayıb

Çinin Şençjen şəhərində yerləşən və BYD Co Ltd avtomobillərinin istehsalı ilə məşğul olan konsern maska və dezinfeksiya məhsullarının hazırlanması üzrə yeni xətt açıb. Zavodun bu qolu gündə 5 milyon maska və 300 000 ədəd dezinfeksiya məhlulu istehsal edəcək.

Bizimyol.info nat.geo.ru-ya istinadən xəbər verir ki, buna səbəb epidemiya dövründə şirkətdə çalışan 250 min nəfər işçinin təhlükəsizliyinin təmin edilməsi olub. Onları pulsuz maska və dezinfeksiya məhlulları ilə təmin etmək üçün belə qərar verilib və şirkət dərhal öz istehsal xəttini yaradıb.

Bu xətti yaratmaq üçün 3000 mühəndis iki həftə ərzində zavodun öz imkanları hesabına avadanlığı təsis və bu yöndə hazırlamağı, layihələndirməyi bacarıb.Bir ay ərzində bu işi tam uğurla yerinə yetirməyi bacaran zavod avtomobil istehsalını dayandırsa da ağır günlərdə ölkənin dezinfeksiya məhsulları və maska ilə təminatına yardımçı olub. Hazırda bu xətt tam gücü ilə işini davam etdirir.