Bu gün şəhid zabitimiz kapitan Toğrul Səyyad oğlu Məmmədovun şəhadətindən iki il ötür.
Toğrul Məmmədov 1988-ci il 26 iyulda Naxçıvanda Babək rayonunun Şıxmahmud kəndində anadan olub. Orta təhsilini kənd orta məktəbində başa vurduqdan sonra 2002-ci ildə Naxçıvan Muxtar Respublikasında Heydər Əliyev adına Hərbi liseyə daxil olub. Liseyi bitirdikdən sonra 2005-ci ildə Heydər Əliyev adına Azərbaycan Ali Hərbi Məktəbinə daxil olub. 2009-cu ildən silahlı qüvvələrimizin zabiti kimi xidmətə başlayıb.
Kapitan rütbəsinə qədər qalxan zabitimiz 2016-cı il iyulun 14-də ermənilərin cəbhədə təxribatının qarşısını alarkən qəhrəmancasına şəhid olub. Şəhid zabitimiz iyulun 15-də doğulduğu kənddə böyük izdihamla dəfn edilib. Şəhid zabitimizin bu gün şəhidlik zirvəsinə yüksəlməsindən iki il ötür.
Allah cəmi şəhidlərimizə rəhmət eləsin!
Mənbə: Moderator.az
Şərhlər
Şərhləri göstər Şərhləri gizlət