Bu ölkədə ailələr ac qalmamaq üçün uşaqlarını satır

Əfqanıstan tarixinin ən uzunmüddətli quraqlığını yaşayır. Bəzi ailələr aclıqdan ölməmək üçün uşaqlarını daha zəngin ailələrə satır.
Yeniavaz.com CNNTürk-ə istinadən xəbər verir ki, bir uşaq üçün 3 min ABŞ dollar ödənilir. "CNN International­"a müsahibə verən əfqanıstanlı bir qadın, digər iki uşağı ac qalmasın deyə 6 yaşlı qızını, 10 yaşlı uşaqla evləndirilməsi üçün 3 min ABŞ dollara satdığını deyir. O bildirir ki, qızının bundan xəbəri yoxdur və məcbur getməlidir.
6 yaşlı qızı satan adam isə bu hərəkəti ilə digər ailəyə kömək etdiyini fikirləşir. Satın aldığının uşaq olması isə onun üçün o qədər də əhəmiyyətli deyil, çünki onun fikrincə bu hadisə buralarda normal qarşılanır.
4 ildir davam edən quraqlıq səbəbilə ölkənin bəzi ərazilərində əkinçilik tamamilə dayanıb. Birləşmiş Millətlər Təşkilatının (BMT) verdiyi məlumata əsasən təkcə 2018-ci ildə 275 min insan quraqlıq və yoxsulluq səbəbilə yurd yerlərindən köçürülüb. Bunlardan 84 min nəfər şəhərlərdə, 182 min nəfər isə Badqis düzənliyində yaşayır.