Bu futbolçuların kariyerası bitdi

Bu futbolçuların kariyerası bitdi

Gürcüstan Futbol Federasiyasının İntizam və futbol mübahisələri üzrə komissiyasının iclası keçirilib.

Yenicag.az xəbər verir ki, Federasiyanın iclasında saxtalaşdırılmış oyunlara görə saxlanılan futbolçuların məsələsinə baxılıb.

Toplantıda həmin futbolçulardan 5-nin idman fəaliyyətini qadağan edən  sanksiya qoyulub. “WIT Georgia” klubunun üzvü olan futbolçular arasında vaxtilə Azərbaycanın “Turan” komandasından çıxış etmiş Nikoloz Maisuradze də var.

Komissiyanın qərarı ilə “WIT Georgia”  liqadakı 6 xalını itirib və klub 18 min dollar məbləğində cərimə olunub.

Xatırladaq ki, mayın 20-də Gürcüstan Dövlət Təhlükəsizlik Xidməti futbol oyunlarının nəticəsinin manipulyasiyasında şübhəli bilinən 11 nəfəri saxlayıb. Mayın 22-də keçirilmiş məhkəmənin qərarı ilə onların 4-ü həbs olunub, 7-si isə  10 min lari məbləğində cərimə edilib. N.Maisuradze də cərimələnən futbolçular arasında yer alıb.